ولقيت الكنز

أحب أعرفكوا بنفسى
أنا(واعوذ بالله من كلمة أنا) شاعر الترعة(اه الترعة ومالها الترعه مش فى شاعر النيل؟) وكما قال الشاعر ابراهيم حلمبوحه(أه حلمبوحه وماله حلمبوحه مش فى ابراهيم ناجى؟) المهم كنا بنقول ايه؟


هه


هه

اه كنا بنقول أنا وأعوذ بالله من كلمة أنا شاعر الترعه وكما قال الشاعر العظيم ابراهيم حلمبوحه:
اقلب القدره على فمها تطلع البت لامها
طبعا كلكوا مستغربين وبتقولوا ايه علاقة البيت ده بكلمة شاعر الترعه؟؟؟؟ احب اقولكم ان ده سؤااااااااال فى منتهى الذكاء
والاجابه كالأتى: لأن هذا البيت يحمل الدليل القاطع على انى استحق لقب شاعر الترعة (فانهض ايها الرجل وانهضى ايتها السيده وانهض ايها الشاب وايتها الشابه وانهض ايها الصبى وايتها الصبيه انهضوا جميعا وانظروا الى هذا البيت-هييجى واحد اهبل يقولى هو فين؟! حقوله اتنيل و انهض وخلاص من امتى وانتوا بتسالوا؟- قفوا جميعا ودققوا النظر وقفوا دقيقه حداد لصاحبه العظيم الشاعر ابراهيم حلمبوحه صاحب كل من(سيد المسوس ومحمود كالابالا وعبواحد دبانه والخ الخ........ من العظماء الذين لمعوا فى سماء التاريخ)ولا عزاء للسيدات
المهم يا جماعه كنا بنقول ان البيت ده شاهد عيان على انى استحق هذا اللقب وبجداره ولكن هذا الدليل الموجود فى البيت لم ولن تلحظوه لان الشخص الوحيد الذى راى الشاعر الشهيد ابراهيم حلمبوحه قبل استشهاده هو (بلا فخر) انا
حيث كان هذا الشاعر محاربا مقاتلا مغوارا يفتك بالأعداء فى الحروب الطويله التى كانت قائمة بين كفر مشله وحلاليف المحله حيث كانوا يتصارعون على سندوتش فول بالزيت الحار من سلسلة محلات (البغل)55 شارع كفر البقر المحله الكبرى (ت:0000550000)تعالوا زورونا
المهم فى الوقت اللى كانت بتهجم فيه امريكا على العراق كان هؤلاء الابطال يتصارعون ويتقاتلونوسقط شاعرنا شهيدا فى بلاد الفيله حيث ذهب الى هناك ساعيا خلف مبتغاه وعاش هناك حتى توفته المنيه.............الفاتحه
وهناك قابلته انا(واعوذ بالله من كلمة انا) وصرح لى بالسر العظيم واعطانى مفتاح اللغز الذى حير الكثير من العلماء والشيوخ والأدباء واخيرا عرفت سر البيت وعلاقته بلقبى
اه نسيت اعرفكوا بنفسى صحيح انا(وأعوذ بالله من كلمة أنا)شاعر الترعة وانتظروا منى احلى مواضيع واجمد اشعار

واحلى صور اما بالنسبه للكنز ده اللى هتعرفوووه

قريبــــــــــا